Nytilsetjingar ved AHO

Børre Skodvin er tilsett som instituttleiar ved Institutt for arkitektur. Skodvin er ein av Noregs mest profilerte arkitektar frå den yngre generasjonen. Han er deleiar i Jensen & Skodvin Arkitektkontor og har i fleire år undervist ved AHO.

Andrew Morrison er tilsett som professor i interdisiplinær design (IDE). Morrison er førsteamanuensis ved Intermedia ved Universitetet i Oslo og professor II ved AHO.

Elisabeth Seip er tilsett som professor II i arkitekturhistorie (FTH). Seip er generalsekretær i Fortidsminneforeningen og disputerte tidlegare i høst ved AHO med avhandlinga "Brødre og søstre i arkitekturen".

Jan Capjon er tilsett som professor II i industridesign (IDE). Capjon er professor ved Høgskolen i Vestfold, og har fram til nyttår ein 50% stilling som professor ved AHO.

Nils Erik Forsén er tilsett som professor II I bygningsteknologi (A). Forsén har høg vitskapeig kompetanse på bygningsteknologi og omfattande praktisk erfaring.

Even Smith Wergeland er tilsett som stipendiat i Kulverprosjektet (FTH). Smith Wergeland har ein mastergrad i kunsthistorie fra Universitetet i Bergen.