Verksmeister – vikariat

Arkitektur- og designhøgskolen i Oslo har ledig eit vikariat som verksmeister i 50 % stilling i perioden 1.1.2010 – 30.6.2010. Stillinga er primært knytta til vår plastverkstad som vert driven i nært samarbeid med treverkstad og metallverkstad. Verksmeistaren har ansvar for veileding av studentar og drift av verkstaden.

AHO krev allsidig kompetanse med vekt på form- og modellteknikk. Det er ønskeleg med erfaring med CNC-styrte maskiner.

Stillinga er løna etter Statens regulativ, kode 1120 Meister, ltr. 33 - 50 (kr 298 500 – 387 300). Frå løna går 2 % lovfesta innskott i Statens Pensjonskasse. AHO er IA-verksemd og har eige bedriftshelseordning.

For AHO er det eit mål å oppnå ei balansert samansetjing når det gjeld alder, kjønn og kulturell bakgrunn, og at det vert lagt til rette for personar med redusert funksjonsevne.

For meir informasjon, kontakt direktør Einar Fagerås, tlf. 22 99 70 02.

Søknad og CV skal sendas AHO på e-post til postmottak@aho.no eller per post til Arkitektur- og designhøgskolen i Oslo, Postboks 6768 St. Olavs plass, 0130 Oslo. Merk søknaden "Verksmeister". 

Arkitektur- og designhøgskolen er eit spesialisert universitet som gir utdanning innan arkitektur og industridesign og tildeler titlane PhD, master i arkitektur, master i industridesign og master i landskapsarkitektur. I tillegg tilbyr AHO erfaringsbaserte mastergradar i urbanisme og arkitekturvern. AHO er organisert i fire institutt: Institutt for arkitektur, Institutt for form, teori og historie, Institutt for design og Institutt for urbanisme og landskap. Skolen har ca. 700 studentar og ca. 100 tilsette.