Rådgivar - forskingsadministrasjonen

Arkitektur- og designhøgskolen i Oslo (AHO) har ledig fast stilling som rådgivar i forskingsadministrasjonen.

Forskingsadministrasjonen har ansvar for å koordinere, planleggje og gje administrativ støtte til skolens forskingsaktivitet og forskarutdanning.

Dei viktigaste oppgåvene for stillinga er:

• støtte til strategisk planlegging av forskingsaktivitetane ved AHO
• administrativ stønad til forskingsadministrasjonens avdelingsleiar i oppbygging og vedlikehald av forskingsprosjekt og -nettverk
• administrasjon av nærings- og prosjektfinansierte doktorgrader
• innhenting og formidling av kunnskap om ulike rammeprogram og finansiering innafor sektoren
• handtering av IPR og kommersialisering av forskingsresultat
• hjelp til institutta i planlegging og utforming av prosjektsøknadar både nasjonalt og internasjonalt
• forskingsrapportering

 For stillinga krevst det:

• mastergrad eller utdanning på tilsvarande nivå
• evne til å arbeide sjølvstendig
• svært god skriftleg og munnleg framstillingsevne på norsk og engelsk
• god samarbeidsevne

Søkjarar med erfaring frå eller kunnskap om universitets- og høgskolesektoren og/eller forskningsadministrativt arbeid vil kunne bli prioriterte.

AHO ser gjerne stillinga som ei rekrutteringsstilling der den rette personen over tid kan utvikle den kompetansen stillinga krev.

Stillinga er lønna etter Statens regulativ, kode 1434 rådgivar, ltr. 45-65 (kr 372 700 – kr 528 600). For særlig godt kvalifiserte søkjarar kan høgare lønn vurderast. Frå lønna går 2 % til lovfesta innskot i Statens Pensjonskasse. AHO er ei IA-verksemd og har eige bedriftshelseordning.

For AHO er det eit uttalt mål å oppnå ei balansert samansetting når det gjeld alder, kjønn og kulturell bakgrunn og å leggje til rette for personar med redusert funksjonsevne.

For nærare informasjon, kontakt leiar for forskingsadministrasjonen seniorrådgivar Brita Nøstvik, tlf. 22 99 70 86 / brita.nostvik@adm.aho.no.

Send søknad og CV til postmottak@aho.no eller til Arkitektur- og designhøgskolen i Oslo, Postboks 6768 St. Olavs plass, 0130 Oslo innan 21. juni 2011.

Merk søknaden "rådgivar forskingsadministrasjon".